|
|
|
|
|
|
|
|
Patagonië Die naam Patagonië beteken
na bewering Patagonië is daardie wonderlike, unieke deel van die wêreld wat geleë is aan die suidelike deel van Suid-Amerika, waar die Atlantiese- en Stille Oseaan mekaar ontmoet. Dit vorm deel van Argentinië en Chili en sluit die bekende Straat van Magellaan in. Dit lê uitgestrek oor die twee lande en sluit 'n aantal gebiede in, oa. die volgende: Calafate, Bariloche, Puerto Madryn en Tierra del Fuego. |
|
Dit is ook een van die eerste gebiede wat spog met 'n see- of marinebewaarpark. Die natuurskoon is nie net asemrowend nie, maar bergklimmers is welbekend met die uitdagings van die berge in daardie wonderlike gebied. Die hoogste gebergte-piek is Cerro San Valentín (meer as 4000 m), maar die mees bekendste is waarskynlike die indrukwekkende Paine Grande en die Fitzroy-spits. |
|
|
|
Dierelewe in hierdie geografiese gebied is uiteenlopend en veelsydig. Die seegebied spog met diere soos walvisse waarvan die "right whale" (Ballena Franca) en die moordwalvis of Orca twee is. Talle soorte dolfyne soos die uitsonderlike wit en swartgrys Commersondolfyn, asook die bottelneusdolfyne word daar aangetref. Die Suid-Amerikaanse seeleeus en suidelike seeolifante is te siene op die rotse en pikkewyne soos die Gentoo's, geelkuifpikkewyn (Rockhopper) en koningspikkewyn is simbolies van die omgewing. Die blouoogkormorant en seekelpseemeeue maak ook deel uit van die talle seevoëlspesies. |
 |
|
|
|
Aan land word perde grootliks aangewend in die boerdery, asook alpakas en lamas. In
1946 is bewers vanaf Kanada ingebring in die gebied. Maar die landstreek het ook nog talle
inheemse wilde diere wat al hoe meer toeriste trek. So is daar die bekende en geharde
guanako's (guanacos) wat wild voorkom. Hierdie eienaardige diere lyk na 'n kleiner nefie
van die kameel en hulle pragtige roesbruin en wit kleure is baie kenmerkend. Natuurlik
huisves Pategonië ook nog die sagte goudbruingrys cougar of bergleeu. Dan spog die
gebied boonop met ander wilde diere soos die grys jakkalsie, die snaakse choique of sg.
"lesser rhea" (Pterocnemia pennata). Die voëlspesies is talryk met aasvoëls,
arende en valke en die waterstrome huisves ook nog otters. Voorwaar 'n baie besondere gebied en beslis die moeite werd om te bewaar en te waardeer. Lees meer:
|
|
|
|
|
|
|
